الوافي غير ماغادا ففضايحها…. 45 مليون ثمن مباركة وزيرة البيئة لرئيس جماعة منتمي ل”البيجيدي” يجر أكادير لكارثة بيئية

سياسي : الرباط

كاتبة الدولة ديال الأزبال , والقيادية فحزب العدالة و التنمية نزهة الوافي مازال غادا ففضايحها ها الزبلة تابعة ختها , و هاد المرة قدام فضيحة جديدة البطل ديالها كان هو القيادي فنفس الحزب الإسلامي و لي ربح جائزة الحسن الثاني للبيئة .
صالح المالوكي غادي بمدينة أكادير لكارثة بيئية بمباركة الوزيرة الوافي لي كل مرة تتغنى بالمدينة و بالإنجازات لي دارت كتابة الدولة للتنمية المستدامة لي تترأسها هي بلا ماتقدم تا قيمة مضافة .
خمسة و ربعين مليون لي مشات من خزينة الدولة و توجهات نحو الحسابات البنكية ديال الفائزين بجائزة الحسن الثاني , و لي حسب أكثر من مصدر ل”سياسي.كوم” قال أنها شابتها الزبونية و المحسوبية و العلاقات الحزبية , هاهي بنفس المبلغ عمدة أكادير يتوجه بالمدينة نحو الأسؤ.
ساكنة المدينة الساحلية كانو هاد السيمانة على موعد مع كارثة بيئية بحي “أكروفلوس” بالجماعة الترابية أورير شمال أكادير , من بعدما إستمرات عملية الحرق العشوائي للنفايات الأمر لي سبب أزمة للساكنة و كاين إحتمال إصابتهم بأمراض تنفسية خطيرة .
و فنفس السياق قال أحد الساكنة فتصريح ل”سياسي.كُوم” “المسؤولون و عمدة المدينة و كتابة الدولة المكلفة بالتنمية المستدامة لا يراعون لصحة المواطنين و هاد المسؤولين مابقاوش عارفين مخاطر عملية الحرق العشوائي للأزبال والنفايات المنزلية وسط الأحياء الآهلة بالسكان و الأضرار لي تاتنتج عليها “.
نزهة الوافي كالسة فالمكتب ديالها المكيف بدون ما تقوم بوالو لا جولات للساكنة لا والو … هادشي ماشي بزاف باش مدينة مارتيل هي الأخرى عرفات كارثة بيئية و زارها العثماني ولكن الوافي ماكايناش هنا و فقط تاتمشي للندوات بالدول الأوروبية على حساب المال العام  باش تلمع صورتها و الصورة ديال الوزارة لي شادها الحزب الإسلامي  .