كلام غير مسؤول صادر عن الوزير الناطق باسم الحكومة ؟!

كتبها: المصطفى العسري

☆ كلام غير مسؤول صادر في هاد لعواشر عن الوزير الناطق باسم الحكومة🇲🇦.. لي قالك آ سيادنا (لي عندو شي طوموبيل يتحمل المسؤولية ديالها) ..

سيادنا لقدام قالو.. الكرش الشبعانة.. محاساش بالكرش الجيعانة.. ما دام “الحبة والبارود من دار القايد”.. ما دام سي لوزير .. مخلي طوموبيل ديالو مرتاحة.. وكيدور بالطوموبيل المخزنية ديال الدولة.. ديال الشعب.. وببونات المازوت ديال الدولة.. المقتطعة من رغيف الشعب ..

هاذ الكلام.. لا يصدر عن مسؤول عاقل.. بحال لا كيقولك (آش داك لشي طوموبيل آ مسخوط الوالدين.. وانت الزمن كيقهرك في الحين ) وسير حطها عليك في الثيقار.. ودبر على بهيمة تهز عليها رجلك.. تقدر ما تخسر عليها والو .. ها الكازو غير مشثت.. والربيع عطاه الله مع هاذ الشتا لي رحمنا بها رب البلاد والعباد .. ونخليو الطوموبيلات لأصحاب الريع الحزبي والسياسي ولأصحاب الدواوين من أصحاب الوزراء ومعارفهم…..”