نجل رئيس جماعة تاوجطات : الواليد شدوه وماتسوق ليه تا واحد من “البيجيدي” و حامي الدين لي متهم بجريمة قتل مشاو تايضربو فإستقلالية القضاء بسبابو

بعد الحكم الصادر في حق رئيس جماعة تاوجطات بتهم متعلقة بالنصب و الإحتيال و إستغلال النفوذ وذلك بعد شكوى تقدمت بها شركة النظافة “أوزون” .
خرج نجل رئيس الجماعة بتدوينة مثيرة يتهم فيها قادة البيجدي بالإلتفاف وراء المتهم حامي الدين و خدلان والده .
وقال في تدوينة عبر حسابه في الفيسبوك :

الوالد حكمو عليه بثلاث سنوات… الله ياخذ الحق فاللي كان السبب… و الله ياخذ الحق من قيادات البيجيدي اللي نهار كانت حاجتهم به كانو غاديين جايين لمدينة هامشية… كلهم كلاو و شربوا فالدار بدون استثناء… و نهار قضاو الغرض و دارو بلاصتهم فالإقليم على ضهرو ماعقلوش عليه….
نهار قارنت مع حامي الدين،… ناض بنادم كينقز قالك ماشي بحال بحال!… علاش زعما حامي الدين الملف ديالو سياسي و الوالد لقاوه كيهرب الكوكايين؟؟… إذا كان الوالد متابع بتهمة طلب الرشوة (ظلما و عدوانا، الدليل الوحيد اللي استندوا عليه هما شهود خدامين فنفس الشركة!) فحامي الدين راه متابع فجريمة قتل!!
و لكن من ناحية أخرى بصح، ماعندك ما تقارن… ماعمرهم يكونو بحال بحال… واحد هو الفتى المدلل د بنكيران، و لاخر كان مجرد قنطرة داز عليها عبد الصمد الإدريسي و البوقرعي للبرلمان نهار ما قبلت عليهم حتى دائرة… ماشي بحال بحال حيت واحد فالمركز و واحد فالهامش… واحد عندو مائة محامي و الأمانة العامة متبعة الملف خطوة خطوة… و واحد عينوليه محامي وحيد، ما عمروا حضر شي جلسة و ما عمرهم سولوه أو تسوقوا ليه!… واحد كيدافع عليه وزير و بسبابو ضرب مباشرة فمؤسسة القضاء و شكك فيها،… و لاخر صدرو عليه بلاغ جد محتشم مراعاة لاستقلالية القضاء!… الله ينعل اللي ما يحشم!